धनुर्विद्या स्पर्धेत इयत्ता 3 री च्या प्रांजल ने मारली मोठी बाजी,पंढरीच्या शिरपेचात रोवला तुरा,राज्यात वाजला देगावच्या जिल्हा परिषद शाळेचा डंका
Vision Varta 
धनुर्विद्या स्पर्धेत पंढरीची प्रांजल पाटोळे राज्यात प्रथम
पंढरपूर,टीम-----
देगाव ता.पंढरपूर येथील जिल्हा परिषद प्राथमिक शाळेतील प्रांजल ग्रुरूप्रसाद पाटोळे हीची राष्ट्रीय धनुर्विद्या स्पर्धेसाठी निवड झाली आहे.
औंढा नागनाथ, जिल्हा हिंगोली येथे झालेल्या राज्यस्तरीय धनुर्विद्या स्पर्धेत इयत्ता 3 री तील विद्यार्थिनी कु.प्रांजल गुरुप्रसाद पाटोळे हिने प्रथम क्रमांक मिळवला.या स्पर्धेत तिने नऊ वर्ष खालील मुलींच्या इंडीयन प्रकारात यश मिळवले आहे.दोन सुवर्णपदक तीन रौप्य पदक अशी एकूण पदकांचे पंचक पूर्ण केले.तिची राष्ट्रीय स्पर्धेसाठी निवड झाली आहे. ती जिल्हा परिषद प्राथमिक शाळा देगाव येथील शिक्षक गुरुप्रसाद पाटोळे यांची कन्या आहे.
प्रांजल च्या या सर्वात मोठ्या यशाबद्दल मुख्याध्यापक बुधवंतराव सर,सर्व शिक्षक,केंद्रप्रमुख स्वाती डोंगरे,पंढरपूर पंचायत समितीचे चे गटशिक्षण अधिकारी मारुती लिगाडे स यांनी अभिनंदन केले. लहान वयात मोठी कामगिरी केल्याबद्दल तिचे सर्व स्तरावर कौतुक होत आहे.
सध्या प्रांजल AJ आर्चरी अकॅडमी पंढरपूर येथे सराव करत असून तिला धनुर्विद्या राष्ट्रीय प्रशिक्षक सागर सुर्वे, विठ्ल माळी,अजित वसेकर यांचे मार्गदर्शन लाभले.
